محفل فروز جلوۂ جانانہ ہو چکا

محفل فروز جلوۂ جانانہ ہو چکا

سیکھے تری نگاہ سے آداب خامشی

اب مجھ سے کوئی نعرۂ مستانہ ہو چکا

بکھرے چمن میں پھول تو آتا ہے مجھ کو یاد

وہ موسم بہار کہ افسانہ ہو چکا

اس بد نصیب کو کہیں ملتی نہیں پناہ

جو تیری بارگاہ سے بیگانہ ہو چکا

آیا ہمارے جینے کا انداز سب کو یاد

جب ذکر جاں نثاریٔ پروانہ ہو چکا

کچھ روز آستان در یار بھی سہی

عابدؔ طواف کعبہ و بت خانہ ہو چکا

mahfil faroz jalwa-e-janana ho chuka

sikhe tiri nigah se adab-e-khamushi

ab mujh se koi naara-e-mastana ho chuka

bikhre chaman mein phul to ata hai mujh ko yad

wo mausam-e-bahar ke afsana ho chuka

is bad nasib ko kahin milti nahin panah

jo teri bargah se begana ho chuka

aya hamare jine ka andaz sab ko yad

jab zikr-e-jan nisari-e-parwana ho chuka

kuchh roz astan-e-dar-e-yar bhi sahi

abid tawaf-e-kaaba-o-but khana ho chuka