محبت کی انتہا چاہتا ہوں

محبت کی انتہا چاہتا ہوں

انہیں حاصل ابتدا چاہتا ہوں

اسے برملا دیکھنا چاہتا ہوں

ادب اے محبت یہ کیا چاہتا ہوں

غم عشق کا سلسلا چاہتا ہوں

میں تجھ تک ترا واسطا چاہتا ہوں

کرم ہائے نا مستقل کا گلہ کیا

ستم ہائے بے انتہا چاہتا ہوں

وہ گھبرا کے جس پر نظر ڈال ہی دیں

میں وہ قلب شورش ادا چاہتا ہوں

کرم کیجیئے تو کرم کا ہوں طالب

سزا دیجئے تو سزا چاہتا ہوں

تری یاد اچھی طرح ذکر پیارا

مگر میں تجھے دیکھنا چاہتا ہوں

ترے عشق ہی سے بنی میری ہستی

ترے عشق ہی میں مٹا چاہتا ہوں

جو تازہ کرے قصۂ طور باسطؔ

میں ایسا ہی اک واقعہ چاہتا ہوں

mohabbat ki intiha chahta hun

unhen hasil-e-ibtida chahta hun

use barmala dekhna chahta hun

adab ai mohabbat ye kya chahta hun

gham-e-ishq ka salisla chahta hun

main tujh tak tira wasta chahta hun

karam ha-e-na mustaqil ka gila kya

sitam ha-e-be intiha chahta hun

wo ghabra ke jis par nazar dal hi den

main wo qalb-e-shorish ada chahta hun

karam kijie to karam ka hun talib

saza dijiye to saza chahta hun

tiri yad achchhi tarah zikr-e-pyara

magar main tujhe dekhna chahta hun

tire ishq hi se bani meri hasti

tire ishq hi mein mita chahta hun

jo taza kare qissa-e-tur basit

main aisa hi ik waqia chahta hun