محتسب نے جو نکالا ہمیں میخانے سے

محتسب نے جو نکالا ہمیں میخانے سے

دور تک آنکھ ملاتے گئے پیمانے سے

آج تو خم ہی لگا دے مرے منہ سے ساقی

میری نیت نہیں بھرتی ترے پیمانے سے

آپ اتنا تو ذرا حضرت ناصح سمجھیں

جو نہ سمجھے اسے کیا فائدہ سمجھانے سے

میں نے چکھی تھی تو ساقی نے کہا جوڑ کے ہاتھ

آپ للہ چلے جائیے میخانے سے

تم ذرا ناصح ناداں کو دکھا دو جلوہ

باز آتا نہیں ظالم مجھے سمجھانے سے

نہ اٹھے جور کسی سے تو وہ رو کر بولے

بے مزہ ہو گئے ہم اشکؔ کے مر جانے سے

mohtasib ne jo nikala hamen maikhane se

dur tak ankh milate gae paimane se

aj to kham hi laga de mire munh se saqi

meri niyyat nahin bharti tire paimane se

ap itna to zara hazrat-e-naseh samjhen

jo na samjhe use kya faida samjhane se

main ne chakhi thi to saqi ne kaha jor ke hath

ap lillah chale jaiye maikhane se

tum zara naseh-e-nadan ko dikha do jalwa

baz ata nahin zalim mujhe samjhane se

na uthe jaur kisi se to wo ro kar bole

be maza ho gae ham ashk ke mar jane se