محبت نے کیا کیا نہ آنیں نکالیں

محبت نے کیا کیا نہ آنیں نکالیں

کہ تار قلم نے زبانیں نکالیں

ہوا ہاتھ اس کا لہو سے حنائی

زبس اس نے کشتوں کی جانیں نکالیں

وہ لڑکا تھا جب تک یہ سج دھج کہاں تھی

جواں ہوتے ہی اس نے شانیں نکالیں

لگا تیر سا آ کے مانیؔ کے دل پر

جب ان ابرووں کی کمانیں نکالیں

شبہ کا گماں تھا نہ یاروں کو جس جا

میں واں لعل و گوہر کی کانیں نکالیں

پھسل ہی گیا کلک تصویر مانیؔ

کمر کھینچ کر جوں ہی رانیں نکالیں

زہے کلک صنعت کہ جس نے زمیں پر

بہاریں بنائیں خزانیں نکالیں

گلا ڈوک میں گرچہ تھا مصحفیؔ کا

پر اس پر بھی دو چار تانیں نکالیں

mohabbat ne kya kya na anen nikalen

ke tar-e-qalam ne zabanen nikalen

hawa hath us ka lahu se hinai

zabas us ne kishton ki janen nikalen

wo larka tha jab tak ye saj dhaj kahan thi

jawan hote hi us ne shanen nikalen

laga tir sa a ke mani ke dil par

jab in abrwun ki kamanen nikalen

shuba ka guman tha na yaron ko jis ja

main wan laal-o-gauhar ki kanen nikalen

phisal hi gaya kilk-e-taswir mani

kamar khinch kar jun hi ranen nikalen

zahe kilk-e-sanat ke jis ne zamin par

baharen banaen khuzzinen nikalen

gila dok mein garche tha mushafi ka

par us par bhi do char tanen nikalen