محفل عشق میں جب نام ترا لیتے ہیں

محفل عشق میں جب نام ترا لیتے ہیں

پہلے ہم ہوش کو دیوانہ بنا لیتے ہیں

روز اک درد تمنا سے نیا لیتے ہیں

ہم یونہی زندگیٔ عشق بڑھا لیتے ہیں

دیکھتے رہتے ہیں چھپ چھپ کے مرقع تیرا

کبھی آتی ہے ہوا بھی تو چھپا لیتے ہیں

رنگ بھرتے ہیں وفا کا جو تصور میں ترے

تجھ سے اچھی تری تصویر بنا لیتے ہیں

دے ہی دیتے ہیں کسی طرح تسلی سیمابؔ

خوش رہیں وہ جو مرے دل کی دعا لیتے ہیں

mahfil-e-ishq mein jab nam tira lete hain

pahle ham hosh ko diwana bana lete hain

roz ik dard-e-tamanna se naya lete hain

ham yunhi zindagi-e-ishq barha lete hain

dekhte rahte hain chhup chhup ke muraqqaa tera

kabhi ati hai hawa bhi to chhupa lete hain

rang bharte hain wafa ka jo tasawwur mein tire

tujh se achchhi tiri taswir bana lete hain

de hi dete hain kisi tarah tasalli simab

khush rahen wo jo mire dil ki dua lete hain