آج سنتے ہیں کہ میرے گھر وہ یار آنے کو ہے

آج سنتے ہیں کہ میرے گھر وہ یار آنے کو ہے

اپنے قابو میں دل بے اختیار آنے کو ہے

بلبلیں ہیں نغمہ زن پھولا ہوا ہے باغباں

باغ میں کھلتی ہیں کلیاں کیا بہار آنے کو ہے

دیکھتا ہوں چشم نرگس آج شرمائی ہوئی

کیا تمہاری دید کا امیدوار آنے کو ہے

مثل تصویر خیالی مرغ بستاں ہیں خموش

باغباں گلشن میں کوئی دل فگار آنے کو ہے

اے جمیلہؔ فصل گل آئی چلا صحرا کو میں

میہماں بن کر مرے تلووں میں خار آنے کو ہے

aj sunte hain ke mere ghar wo yar ane ko hai

apne qabu mein dil-e-be ikhtiyar ane ko hai

bulbulen hain naghma zan phula hua hai baghban

bagh mein khulti hain kaliyan kya bahar ane ko hai

dekhta hun chashm-e-nargis aj sharmai hui

kya tumhari did ka umidwar ane ko hai

misl-e-taswir-e-khayali murgh-e-bistan hain khamosh

baghban gulshan mein koi dil figar ane ko hai

ai jamilahu fasl-e-gul ai chala sahra ko main

mehman ban kar mire talwon mein khar ane ko hai