مجھ کو خاک در مے خانہ بنایا ہوتا

مجھ کو خاک در مے خانہ بنایا ہوتا

پھر اسی خاک سے پیمانہ بنایا ہوتا

جلوہ گر حسن مجازی میں حقیقت ہوتی

کعبۂ دل کو صنم خانہ بنایا ہوتا

نہ مجھے رنگ چمن سے کوئی مطلب ہوتا

صورت سبزۂ بیگانہ بنایا ہوتا

آپ بیتی جو سناتا ہوں تو کہہ دیتے ہیں

اس سے بہتر کوئی افسانہ بنایا ہوتا

مے کشوں کے جو مقدر میں نہ تھے یہ دانے

نخل انگور کو بے دانہ بنایا ہوتا

عمر بھر خانہ خمار میں سر خوش رہتے

زندگی کا یہی پیمانہ بنایا ہوتا

کفر و ایماں میں نہ رہتی یہ کشاکش کیفیؔ

کعبہ و دیر کو مے خانہ بنایا ہوتا

mujh ko khak-e-dar-e-mai khana banaya hota

phir isi khak se paimana banaya hota

jalwa gar husn majazi mein haqiqat hoti

kaaba-e-dil ko sanam khana banaya hota

na mujhe rang-e-chaman se koi matlab hota

surat-e-sabza-e-begana banaya hota

ap biti jo sunata hun to kah dete hain

is se behtar koi afsana banaya hota

mai kashon ke jo muqaddar mein na the ye dane

nakhl-e-angur ko be dana banaya hota

umr bhar khana khumar mein sar khush rahte

zindagi ka yahi paimana banaya hota

kufr-o-iman mein na rahti ye kashakash kaifi

kaaba-o-dair ko mai khana banaya hota