مجھ سے افسردہ نہ اے جوش بہاراں ہونا

مجھ سے افسردہ نہ اے جوش بہاراں ہونا

کیف میں بھول گیا چاک گریباں ہونا

جب بکھر جاتی ہے زلف اور نکھر جاتی ہے

مجھ کو جمعیت خاطر ہے پریشاں ہونا

ذرہ ذرہ ہے تجلی سے لڑائے ہوئے آنکھ

کس قیامت کی نمائش ہے یہ پنہاں ہونا

دور ہیں تجھ سے ابھی نور کے ذرے ہر سو

اے مری خاک ذرا اور پریشاں ہونا

حسرت دید نے آئینہ بنایا دل کو

عین نظارہ ہے نظارہ کا ارماں ہونا

حسن ہر شے کو دیا عشق ملا ہر دل کو

تاکہ آسان ہو انسان کا انساں ہونا

خوب ہوتا ہے نمایاں سخن ناطقؔ سے

مثل معنی ترا ہر لفظ میں پنہاں ہونا

mujh se afsurda na ai josh-e-baharan hona

kaif mein bhul gaya chak-e-gareban hona

jab bikhar jati hai zulf aur nikhar jati hai

mujh ko jamiyyat-e-khatir hai pareshan hona

zarra zarra hai tajalli se larae hue ankh

kis qayamat ki numaish hai ye pinhan hona

dur hain tujh se abhi nur ke zarre har su

ai miri khak zara aur pareshan hona

hasrat-e-did ne aina banaya dil ko

ain nazzara hai nazzara ka arman hona

husn har shai ko diya ishq mila har dil ko

take asan ho insan ka insan hona

khub hota hai numayan sukhan-e-natiq se

misl-e-maani tira har lafz mein pinhan hona