مجھ پر ایسی جفا کی کثرت کی

مجھ پر ایسی جفا کی کثرت کی

کہ اسے غیر نے ملامت کی

تم کو اپنے خرام سے مطلب

ٹھوکریں کھائے کوئی قسمت کی

وعدۂ وصل صبح اس سے کرو

کٹ سکے جس سے رات فرقت کی

اپنی بیداد کو نہیں کہتے

میری فریاد کی شکایت کی

اب کہاں حور خلد میں واعظ

تو نے برباد یوں ہی محنت کی

ہیں جو دنیا کی یہ پری زادیں

یہی حوریں بنیں گی جنت کی

ترک عشق اور میں غلط سالکؔ

کون روکے زبان خلقت کی

mujh par aisi jafa ki kasrat ki

ke use ghair ne malamat ki

tum ko apne khiram se matlab

thokaren khae koi qismat ki

waada-e-wasl subh us se karo

kat sake jis se rat furqat ki

apni bedad ko nahin kahte

meri fariyad ki shikayat ki

ab kahan hur-e-khuld mein waiz

tu ne barbad yun hi mehnat ki

hain jo duniya ki ye pari zaden

yahi huren banengi jannat ki

tark-e-ishq aur main ghalat salik

kaun roke zaban-e-khilqat ki