مجھ کو مسند پہ قلمداں بخشا
میر کلو عرشمجھ کو مسند پہ قلمداں بخشا
شیر قالیں کو نیستاں بخشا
پیر کنعاں کو دیا داغ فراق
ایک زن کو مہ کنعاں بخشا
مرض عشق میں موت آتی ہے
تو نے ہر درد کو درماں بخشا
قابل دید ہے حسن حکمت
حور کو روضۂ رضواں بخشا
قطرہ بھی وسعت رحمت سے ہے بحر
چشم کو نوح کا طوفاں بخشا
دل نالاں کو دیے داغ فراق
ایک بلبل کو گلستاں بخشا
دل بے رحم دیا ظالم کو
جس طرح تیر کو پیکاں بخشا
گل کو پر زر جو گریباں بخشا
خار کو دشت کا داماں بخشا
رحم آیا جو گنہ گاروں پر
گنہ گبر و مسلماں بخشا
آ گیا کچھ جو کریمی کا خیال
حور کو ملک سلیماں بخشا
تیری تدبیر ہے عین تقدیر
موت کو عالم امکاں بخشا
سرخ رو اہل کرم کو رکھا
بحر کو پنجۂ مرجاں بخشا
لب کی جا بوسۂ رخسار دیا
عوض لعل بدخشاں بخشا
مصحف رخ کا جو دیکھا کوئی شعر
روح حافظؔ کو بھی قرآں بخشا
اس سے ہوں طالب ایماں اے عرشؔ
جس نے کافر کو بھی ایماں بخشا
mujh ko masnad pe qalamdan bakhsha
sher qalin ko nayastan bakhsha
pir-e-kanan ko diya dagh-e-firaq
ek zan ko mah-e-kanan bakhsha
maraz-e-ishq mein maut ati hai
tu ne har dard ko darman bakhsha
qabil-e-did hai husn-e-hikmat
hur ko rauza-e-rizwan bakhsha
qatra bhi wusat-e-rahmat se hai bahr
chashm ko nuh ka tufan bakhsha
dil-e-nalan ko diye dagh-e-firaq
ek bulbul ko gulistan bakhsha
dil-e-be rahm diya zalim ko
jis tarah tir ko paikan bakhsha
gul ko par zar jo gareban bakhsha
khar ko dasht ka daman bakhsha
rahm aya jo gunah garon par
gunah gabr-o-musalman bakhsha
a gaya kuchh jo karimi ka khayal
hur ko mulk-e-sulaiman bakhsha
teri tadbir hai ain-e-taqdir
maut ko alam-e-imkan bakhsha
surkh ru ahl-e-karam ko rakha
bahr ko panja-e-marjan bakhsha
lab ki ja bosa-e-rukhsar diya
ewaz-e-laal-e-badakhshan bakhsha
mushaf-e-rukh ka jo dekha koi sher
ruh hafiz ko bhi quran bakhsha
us se hun talib-e-iman ai arsh
jis ne kafir ko bhi iman bakhsha