مجھ سے عاشق کے تئیں مار کے کیا پاوے گا

مجھ سے عاشق کے تئیں مار کے کیا پاوے گا

مفت بدنامی تجھے ہووے گی پچھتاوے گا

جو ترا عاشق رفتار ہے جوں نقش قدم

تیرے کوچے کے تئیں چھوڑ کہاں جاوے گا

غیر کے کہنے پر اے یار نہ کہیو ہرگز

یہ سمجھ رکھیو وہ شیطان ہے بہکاوے گا

دہر میں تیرے فریبوں سے اے شوخ عیار

کم کوئی ہوگا نہ دل جس کا دغا پاوے گا

یار کو طرز جفا سے نہیں رکھنے کا باز

ناصحا ہر گھڑی مجھ کو ہی تو سمجھاوے گا

آشنائی نہ جہاں دارؔ سے توڑ اے پیارے

ایسا عاشق نہ جہاں میں تو کوئی پاوے گا

mujh se ashiq ke tain mar ke kya pawega

muft badnami tujhe howe gi pachhtawega

jo tira ashiq-e-raftar hai jun naqsh-e-qadam

tere kuche ke tain chhor kahan jawega

ghair ke kahne par ai yar na kahiyo hargiz

ye samajh rakhiyo wo shaitan hai bahkawega

dahr mein tere farebon se ai shokh-e-ayyar

kam koi hoga na dil jis ka dagha pawega

yar ko tarz-e-jafa se nahin rakhne ka baz

nasha har ghari mujh ko hi to samjhawega

ashnai na jahan dar se tor ai pyare

aisa ashiq na jahan mein to koi pawega