ماتم رنج و الم غم ہیں بہم چاروں ایک

ماتم رنج و الم غم ہیں بہم چاروں ایک

ستم و جور جفا ناز و صنم چاروں ایک

جب اٹکتا ہے جو دل کچھ نہیں چھوڑے باقی

ننگ و ناموس حیا اور شرم چاروں ایک

عشق بازاں کے تئیں عشق میں تیرے اے یار

مسجد و مدرسہ و دیر و حرم چاروں ایک

فرق ہرگز نہیں جو تجھ سے ملاوے آنکھیں

تیر اور خنجر و جمدھر کے زخم چاروں ایک

زلف جوں مار سیہ قد جو درخت چندن

آج دیکھ آئے ہیں اس طور سے ہم چاروں ایک

یار اور عاشق و ساقی و شراب و سبزہ

دیکھتا ہے کوئی یک جائے پہ کم چاروں ایک

بھول جاتے ہیں سبھی بزم میں مہ رویوں کی

عقل و دانش و تمیز اور فہم چاروں ایک

ہوں ترا اے صنما اس وضع سے فرماں بردار

ساربان و نفر و بندہ خدم چاروں ایک

غیر وصلت کے ترے اور نہ خواہش اپنی

کیا طلا نقرۂ و دینار و درم چاروں ایک

اٹھ گیا قوم سے اشراف کے ہیہات افسوس

عشرت و عیش کہاں جاہ و حشم چاروں ایک

روشنائی و زباں تحفہ کرے قصہ بیاں

جس گھڑی ہوتے ہیں کاغذ و قلم چاروں ایک

بھول جا شوق میں وصلت کے تو سب کو اے دل

دوزخ و جنت و اعراف و عدم چاروں ایک

واسطے تیرے مقرر ہیں دل اندیشہ نہ کر

مہربانی و عطا فضل و کرم چاروں ایک

ہے شجاعت و سخا حلم و حیا قاسمؔ علی

شان میں شیر خدا کے ہیں ختم چاروں ایک

matam-e-ranj-o-alam gham hain baham charon ek

sitam-o-jaur-e-jafa naz-o-sanam charon ek

jab atakta hai jo dil kuchh nahin chhore baqi

nang-o-namus-e-haya aur sharm charon ek

ishq bazan ke tain ishq mein tere ai yar

masjid-o-madrasa-o-dair-o-haram charon ek

farq hargiz nahin jo tujh se milawe ankhen

tir aur khanjar-o-jamdhar ke zakhm charon ek

zulf jun mar-e-siyah qad jo darakht-e-chandan

aj dekh ae hain is taur se ham charon ek

yar aur ashiq-o-saqi-o-sharab-o-sabza

dekhta hai koi yak jae pe kam charon ek

bhul jate hain sabhi bazm mein mah rawiyon ki

aql-o-danish-o-tamiz aur fahm charon ek

hun tira ai sanma is waza se farman bardar

sarban-o-nafar-o-banda khadam charon ek

ghair waslat ke tire aur na khwahish apni

kya tila nuqra-e-o dinar-o-diram charon ek

uth gaya qaum se ashraf ke hehat afsos

ishrat-o-aish kahan jah-o-hasham charon ek

raushnai-o-zaban tohfa kare qissa bayan

jis ghari hote hain kaghaz-o-qalam charon ek

bhul ja shauq mein waslat ke to sab ko ai dil

dozakh-o-jannat-o-aaraf-o-adam charon ek

waste tere muqarrar hain dil andesha na kar

mehrbani-o-ata fazl-o-karam charon ek

hai shujaat-o-sakha halam-o-haya qasim ali

shan mein sher-e-khuda ke hain khatm charon ek