مانا کہ سخت ہوتی ہے تیر و تبر کی چوٹ

مانا کہ سخت ہوتی ہے تیر و تبر کی چوٹ

لیکن بری بلا ہے کسی کی نظر کی چوٹ

تیغ ادا کا وار ہے تیر نظر کی چوٹ

دل کی بچاؤں ضرب کہ روکوں جگر کی چوٹ

بڑھ کر ہے زخم تیغ سے بھی زخم بات کا

یہ چار دن کی چوٹ ہے وہ عمر بھر کی چوٹ

سینے سے وہ ملے تو نظر سے نظر ملی

دل کا بھرا جو زخم تو ابھری جگر کی چوٹ

احساں کا بار صاحب ہمت کی موت ہے

میری دعا قبول کرے کیوں اثر کی چوٹ

درد انتہا کا دل میں ہے محمودؔ آج تک

کھائی تھی ابتدا میں کسی کی نظر کی چوٹ

mana ke sakht hoti hai tir-o-tabar ki chot

lekin buri bala hai kisi ki nazar ki chot

tegh-e-ada ka war hai tir-e-nazar ki chot

dil ki bachaun zarb ke rokun jigar ki chot

barh kar hai zakhm-e-tegh se bhi zakhm bat ka

ye char din ki chot hai wo umr bhar ki chot

sine se wo mile to nazar se nazar mili

dil ka bhara jo zakhm to ubhri jigar ki chot

ehsan ka bar sahab-e-himmat ki maut hai

meri dua qubul kare kyun asar ki chot

dard intiha ka dil mein hai mahmud aj tak

khai thi ibtida mein kisi ki nazar ki chot