لے گیا دل کون میرا سو بشر کے سامنے

لے گیا دل کون میرا سو بشر کے سامنے

کس کی صورت پھرتی ہے یا رب نظر کے سامنے

امتحان حسن آئینے میں لیتے ہیں مدام

رکھ کے وہ تصویر یوسف کو نظر کے سامنے

دور آبادی سے رکھنا اپنے دیوانے کو یار

گھر نہ آ جائے کسی کا چشم تر کے سامنے

خط کہاں وہ انتظار خط کی بھی لذت گئی

حیف کیوں رویا میں اس کے نامہ بر کے سامنے

یار سے نایابؔ اب منہ پھیرنا اچھا نہیں

طوطیٔ دل باندھ شہباز نظر کے سامنے

le gaya dil kaun mera so bashar ke samne

kis ki surat phirti hai ya rab nazar ke samne

imtihan-e-husn aine mein lete hain mudam

rakh ke wo taswir yusuf ko nazar ke samne

dur abadi se rakhna apne diwane ko yar

ghar na a jae kisi ka chashm-e-tar ke samne

khat kahan wo intizar-e-khat ki bhi lazzat gai

haif kyun roya mein us ke nama bar ke samne

yar se nayab ab munh pherna achchha nahin

tuti-e-dil bandh shahbaz-e-nazar ke samne