لیجئے ختم ہوا گردش تقدیر کا رنگ

لیجئے ختم ہوا گردش تقدیر کا رنگ

آئیے دیکھیے مٹتی ہوئی تصویر کا رنگ

ہم نے جھیلی ہیں زمانے میں کشش کی کڑیاں

ہم سے پوچھے کوئی بگڑی ہوئی تقدیر کا رنگ

ذکر تدبیر عبث فکر رہائی بے سود

جب کہ مٹتا نظر آنے لگا تقدیر کا رنگ

ہم بھی آئے ہیں کفن باندھ کے سر سے قاتل

دیکھنا ہے تری چلتی ہوئی شمشیر کا رنگ

کیا بتاؤں میں تمہیں سوز دروں کی حد کو

دن میں سو بار بدل جاتا ہے زنجیر کا رنگ

اف رے وہ زور جوانی کہ الٰہی توبہ

آئنہ توڑ کے نکلا تری تصویر کا رنگ

ہم سمجھتے ہیں زمانے کی روش کو عالمؔ

ہم نے دیکھا ہے بدلتے ہوئے تقدیر کا رنگ

lijiye khatm hua gardish-e-taqdir ka rang

aiye dekhiye mitti hui taswir ka rang

ham ne jheli hain zamane mein kashish ki kariyan

ham se puchhe koi bigri hui taqdir ka rang

zikr-e-tadbir abas fikr rihai be sud

jab ke mitta nazar ane laga taqdir ka rang

ham bhi ae hain kafan bandh ke sar se qatil

dekhna hai tiri chalti hui shamshir ka rang

kya bataun main tumhen soz-e-darun ki had ko

din mein sau bar badal jata hai zanjir ka rang

uf re wo zor jawani ke ilahi tauba

aina tor ke nikla tiri taswir ka rang

ham samajhte hain zamane ki rawish ko alam

ham ne dekha hai badalte hue taqdir ka rang