لے اڑا رنگ فلک جلوۂ رعنائی کا

لے اڑا رنگ فلک جلوۂ رعنائی کا

عکس ہے قوس قزح میں تری انگڑائی کا

اس قدر ناز ہے کیوں آپ کو یکتائی پر

دوسرا نام ہے یہ بھی مری تنہائی کا

عجب انداز سے کچھ مہر خموشی ٹوٹی

وصف پیدا ہوا تصویر میں گویائی کا

کھل رہا ہے تری رحمت کی بدولت ورنہ

کون تھا دیکھنے والا گل صحرائی کا

ہو گئی میرے گناہوں کی سیاہی مقبول

سنگ اسود پہ چڑھا رنگ جبیں سائی کا

صورت یاس سے آئینۂ حیرت ہو کر

دیکھتے رہ گئے چہرہ وہ تمنائی کا

بے خودی دیکھ کے میری سر محفل پوچھا

نام مشہور ہے کیفیؔ اسی صہبائی کا

le ura rang-e-falak jalwa-e-raanai ka

aks hai qaus-e-quzah mein tiri angrai ka

is qadar naz hai kyun ap ko yaktai par

dusra nam hai ye bhi miri tanhai ka

ajab andaz se kuchh mehr-e-khamoshi tuti

wasf paida hua taswir mein goyai ka

khul raha hai tiri rahmat ki badaulat warna

kaun tha dekhne wala gul-e-sahrai ka

ho gai mere gunahon ki siyahi maqbul

sang-e-aswad pe charha rang jabin sai ka

surat-e-yas se aina-e-hairat ho kar

dekhte rah gae chehra wo tamannai ka

be khudi dekh ke meri sar-e-mahfil puchha

nam mashhur hai kaifi isi sahbai ka