مار ڈالے گی ہمیں یہ خوش بیانی آپ کی

مار ڈالے گی ہمیں یہ خوش بیانی آپ کی

موت کا پیغام آئے گا زبانی آپ کی

زندگی کہتے ہیں کس کو موت کس کا نام ہے

مہربانی آپ کی نا مہربانی آپ کی

بعد مردن کھینچ لایا جذب دل سینے پہ ہاتھ

اک انگوٹھی میں جو پہنے تھا نشانی آپ کی

بڑھ چکا قد بھی فروغ حسن کی حد ہو چکی

اب تو قابل دیکھنے کے ہے جوانی آپ کی

آپ سے مل کے گلے راحت سے آ جاتی ہے نیند

سبزۂ خوابیدہ ہے پوشاک دھانی آپ کی

رنگ عالم کا بدلنا آپ کے صدقے میں ہے

جمع کر رکھی تھیں پوشاکیں پرانی آپ کی

آنکھوں پر بندھوائی پٹی تا نہ دیکھوں اور کو

مر گیا میں پر وہی ہے بد گمانی آپ کی

جب وہ مجھ کو دیکھتا ہے ہنس کے کہتا ہے رشیدؔ

کتنی پابند وفا ہے زندگانی آپ کی

mar dalegi hamen ye khush bayani ap ki

maut ka paigham aega zabani ap ki

zindagi kahte hain kis ko maut kis ka nam hai

mehrbani ap ki na mehrbani ap ki

baad murdan khinch laya jazb-e-dil sine pe hath

ik anguthi mein jo pahne tha nishani ap ki

barh chuka qad bhi farogh-e-husn ki had ho chuki

ab to qabil dekhne ke hai jawani ap ki

ap se mil ke gale rahat se a jati hai nind

sabza-e-khwabida hai poshak dhani ap ki

rang-e-alam ka badalna ap ke sadqe mein hai

jama kar rakhi thin poshaken purani ap ki

ankhon par bandhwai piti ta na dekhun aur ko

mar gaya main par wahi hai bad gumani ap ki

jab wo mujh ko dekhta hai hans ke kahta hai rashid

kitni paband-e-wafa hai zindagani ap ki