لینے لگے جو چٹکی یک بار بیٹھے بیٹھے

لینے لگے جو چٹکی یک بار بیٹھے بیٹھے

یہ چھیڑ کیا نکالی اے یار بیٹھے بیٹھے

کل وعدہ گاہ میں جب وہ بے وفا نہ آیا

اکتا کے اٹھ گئے ہم ناچار بیٹھے بیٹھے

جو کچھ پڑھا ہے ہم نے ہم آپ ہی آپ اس کی

گھر میں کیا کریں ہیں تکرار بیٹھے بیٹھے

ہم نے تو اس کو ہرگز یارو کہا نہ تھا کچھ

کچھ یوں ہی ہو گیا وہ بیزار بیٹھے بیٹھے

تجھ بن تو ہم نے وے بھی با خامشی ادا کیں

یاد آئیاں جو باتیں دو چار بیٹھے بیٹھے

اے مصحفیؔ انہیں میں صنعت نہیں کچھ اپنی

لکھ ڈالے ہم نے کل یہ اشعار بیٹھے بیٹھے

lene lage jo chutki yak bar baithe baithe

ye chher kya nikali ai yar baithe baithe

kal waada gah mein jab wo be wafa na aya

ukta ke uth gae ham nachar baithe baithe

jo kuchh parha hai ham ne ham ap hi ap us ki

ghar mein kya karen hain takrar baithe baithe

ham ne to us ko hargiz yaro kaha na tha kuchh

kuchh yun hi ho gaya wo bezar baithe baithe

tujh bin to ham ne we bhi ba khamushi ada kin

yad aiyan jo baten do char baithe baithe

ai mushafi unhen mein sanat nahin kuchh apni

likh dale ham ne kal ye ashar baithe baithe