لیے آدم نے اپنے بیٹے پانچ

لیے آدم نے اپنے بیٹے پانچ

جدی ہوتی ہے ہولے ہولے آنچ

قید مذہب سے مجھ کو کیا مطلب

میں نہیں جانتا ہوں تین اور پانچ

کس دہن نے یہ اس کو تنگ کیا

طفل غنچہ کی جو نکل گئی کانچ

آدمی ہے وہی جو دنیا میں

جھوٹ کو جھوٹ جانے سانچ کو سانچ

استخواں بندیٔ تن مجنوں

اپنی نظروں میں ہے پتنگ کا ڈھانچ

رام مجنوں نہیں ہوئی لیلیٰ

مثل آہو برہ بھرے ہے کلانچ

گو پڑھیں تو نے سو کتاب تو کیا

مصحفیؔ اک خط جبیں کو تو بانچ

liye adam ne apne bete panch

jadi hoti hai haule haule anch

qaid mazhab se mujh ko kya matlab

main nahin janta hun tin aur panch

kis dahan ne ye us ko tang kiya

tifl-e-ghuncha ki jo nikal gai kanch

admi hai wahi jo duniya mein

jhut ko jhut jane sanch ko sanch

ustukhwan bandi-e-tan-e-majnun

apni nazron mein hai patang ka dhainch

ram majnun nahin hui laila

misl-e-ahu barra bhare hai kalinch

go parhen tu ne so kitab to kya

mushafi ik khat-e-jabin ko to banach