مادام

زلف کی چھاؤں میں عارض کی تب و تاب لیے

لب پہ افسوں لیے آنکھوں میں مئے ناب لیے

ہر نفس رو میں لیے سورش طغیان نہاں

ہر نظر شوق کا افسانۂ بے تاب لیے

سحر و اعجاز لیے جنبش مژگان دراز

خندۂ شوخ جمال در خوش آب لیے

ضو فگن روئے حسیں پر شب مہتاب شباب

چشم مخمور نشاط شب مہتاب لیے

نشۂ ناز جوانی میں شرابور ادا

جسم ذوق گہر اطلس و کمخواب لیے

زلف شب رنگ لیے صندل و عود و عنبر

خم ابروئے حسیں دیر کی محراب لیے

لب گل رنگ و حسیں جسم گداز و سیمیں

شوخئ برق لیے لرزش سیماب لیے

ایک صیاد خوش اندام سواد مشرق

زلف بنگال لیے طلعت پنجاب لیے

نزہت و ناز کا اک پیکر شاداب و حسیں

نکہت و نور کا امڈا ہوا سیلاب لیے

میری وارفتگئ مسلم لیکن

کس کی آنکھیں ہیں زلیخا کا حسیں خواب لیے

zulf ki chhaon mein ariz ki tab-o-tab liye

lab pe afsun liye ankhon mein mai-e-nab liye

har nafas rau mein liye sorash-e-tughyan-e-nihan

har nazar shauq ka afsana-e-be tab liye

sahar-o-ejaz liye jumbish-e-mizhgan-e-daraz

khanda-e-shokh jamal-e-dar-e-khush ab liye

zau fagan ru-e-hasin par shab-e-mahtab shabab

chashm-e-makhmur nishat-e-shab-e-mahtab liye

nasha-e-naz jawani mein sharabur ada

jism zauq-e-guhar atlas-o-kamkhwab liye

zulf-e-shab rang liye sandal-o-ud-o-ambar

kham-e-abru-e-hasin der ki mehrab liye

lab-e-gul rang-o-hasin jism gudaz-o-simin

shokhi-e-barq liye larzish-e-simab liye

ek sayyad khush andam sawad-e-mashriq

zulf bangal liye talat-e-panjab liye

nuzhat-o-naz ka ik paikar-e-shadab-o-hasin

nikhat-o-nur ka umda hua sailab liye

meri waraftagi-e-muslim lekin

kis ki ankhen hain zulekha ka hasin khwab liye