لے کے دل اس شوخ نے اک داغ سینے پر دیا

لے کے دل اس شوخ نے اک داغ سینے پر دیا

جو لیا اس کا عوض اس سے مجھے بہتر دیا

دور تجھ سے ساغر مے پر نظر میں نے جو کی

کاسہ اپنا چشم نے خوناب دل سے بھر دیا

جو سلوک اب دل میں آویں کر مجھے تقدیر نے

دست و بازو باندھ کر تیرے حوالے کر دیا

دلبروں کے شہر میں بیگانگی اندھیر ہے

آشنائی ڈھونڈتا پھرتا ہوں میں لے کر دیا

بعضے ہی اوقات راحت ہم کو دی ہے چرخ نے

رنج و غم ہی اس ستم گر نے بیاںؔ اکثر دیا

le ke dil us shokh ne ik dagh sine par diya

jo liya us ka ewaz us se mujhe behtar diya

dur tujh se saghar-e-mai par nazar main ne jo ki

kasa apna chashm ne khunab dil se bhar diya

jo suluk ab dil mein awen kar mujhe taqdir ne

dast-o-bazu bandh kar tere hawale kar diya

dilbaron ke shahr mein beganagi andher hai

ashnai dhundta phirta hun main le kar diya

baaze hi auqat rahat ham ko di hai charkh ne

ranj-o-gham hi us sitam gar ne bayan aksar diya