لہو ٹپکا کسی کی آرزو سے
بیان میرٹھیلہو ٹپکا کسی کی آرزو سے
ہماری آرزو ٹپکی لہو سے
یہ ہے کس کا سویم پوچھا عدو سے
کہ دم ہے ناک میں پھولوں کی بو سے
وہ بچہ پرورش کرتی ہے الفت
جو پیکاں پوروے کی طرح چوسے
یہ ٹوٹے گی ہوائے گل سے واعظ
مری توبہ کو کیا نسبت وضو سے
اسے کہتے ہیں قمری طوق الفت
چھری لپٹی ہوئی ہے یاں گلو سے
یہ تاثیر محبت ہے کہ ٹپکا
ہمارا خوں تمہاری گفتگو سے
وہ ہیں کیوں حسن کے پردہ پہ نازاں
یہ سیکھا ہے ہماری گفتگو سے
کیا ہے دامن محشر کو افشاں
اڑے چھینٹے یہ کس کس کے لہو سے
سنا ہے جام تھا جمشید کے پاس
ارے ساقی فقیروں کے کدو سے
وہ شرمیلی نگاہیں کہہ رہی ہیں
ہٹا دو عکس کو بھی روبرو سے
لب گل رنگ پر ہے خال مشکیں
مگس اور پھول کی پتی کو چوسے
بیاںؔ خوف گنہ سے مر چکے تھے
مگر جاں آ گئی لا تقنطو سے
lahu tapka kisi ki arzu se
hamari arzu tapki lahu se
ye hai kis ka soyam puchha adu se
ke dam hai nak mein phulon ki bu se
wo bachcha parwarish karti hai ulfat
jo paikan porwe ki tarah chuse
ye tutegi hawa-e-gul se waiz
miri tauba ko kya nisbat wuzu se
use kahte hain qumri tauq-e-ulfat
chhuri lipti hui hai yan galo se
ye tasir-e-mohabbat hai ke tapka
hamara khun tumhari guftugu se
wo hain kyun husn ke parda pe nazan
ye sikha hai hamari guftugu se
kya hai daman-e-mahshar ko afshan
ure chhinte ye kis kis ke lahu se
suna hai jam tha jamshed ke pas
are saqi faqiron ke kaddu se
wo sharmili nigahen kah rahi hain
hata do aks ko bhi rubaru se
lab-e-gul rang par hai khal-e-mushkin
magas aur phul ki patti ko chuse
bayan khauf-e-gunah se mar chuke the
magar jan a gai la taqnato se