لوگوں کی ملامت بھی ہے خود درد سری بھی

لوگوں کی ملامت بھی ہے خود درد سری بھی

کس کام کی یہ اپنی وسیع النظری بھی

کیا جانیے کیوں سست تھی کل ذہن کی رفتار

ممکن ہوئی تاروں سے مری ہم سفری بھی

راتوں کو کلی بن کے چٹکتا تھا ترا جسم

دھوکے میں چلی آئی نسیم سحری بھی

خود اپنے شب و روز گزر جائیں گے لیکن

شامل ہے مرے غم میں تری در بدری بھی

فرقت کے شب و روز میں کیا کچھ نہیں ہوتا

قدرت پہ ملامت بھی دعائے سحری بھی

اک فرد کی الفت تو بڑی کم نظری ہے

ہے کس میں مگر اہلیت کم نظری بھی

logon ki malamat bhi hai khud dard siri bhi

kis kam ki ye apni wasi alnnazari bhi

kya janiye kyun sust thi kal zehn ki raftar

mumkin hui taron se miri ham safari bhi

raton ko kali ban ke chatakta tha tira jism

dhoke mein chali ai nasim-e-sahari bhi

khud apne shab-o-roz guzar jaenge lekin

shamil hai mire gham mein tiri dar badri bhi

furqat ke shab-o-roz mein kya kuchh nahin hota

qudrat pe malamat bhi dua-e-sahari bhi

ik fard ki ulfat to bari kam nazari hai

hai kis mein magar ahliyyat kam nazari bhi