آج قابو میں یہ مزاج نہیں

آج قابو میں یہ مزاج نہیں

بے خودی کا کوئی علاج نہیں

وقت آخر ہے میرا جاؤ طبیب

اب دوا کی تو احتیاج نہیں

عہد میں میرے شاہ خوباں کے

ستم و ظلم کا رواج نہیں

مجھ کو دکھلا دو روئے غوث خدا

اور کوئی مرا علاج نہیں

کم نہیں فقر بادشاہی سے

کچھ تمنائے تخت و تاج نہیں

شاہ خوباں کے واسطے ہرگز

غیر از دل کوئی خراج نہیں

ہفت اقلیم نذر شہ کرتے

اے جمیلہؔ ہمارا راج نہیں

aj qabu mein ye mizaj nahin

be khudi ka koi ilaj nahin

waqt akhir hai mera jao tabib

ab dawa ki to ehtiyaj nahin

ahd mein mere shah khuban ke

sitam-o-zulm ka riwaj nahin

mujh ko dikhla do ru-e-ghaus khuda

aur koi mira ilaj nahin

kam nahin faqr badshahi se

kuchh tamanna-e-takht-o-taj nahin

shah khuban ke waste hargiz

ghair az dil koi khiraj nahin

haft iqlim nazr-e-shah karte

ai jamilahu hamara raj nahin