لوٹا ہے مجھے اس کی ہر ادا نے

لوٹا ہے مجھے اس کی ہر ادا نے

انداز نے ناز نے حیا نے

دونوں نے کیا ہے مجھ کو رسوا

کچھ درد نے اور کچھ دوا نے

بے جا ہے تری جفا کا شکوہ

مارا مجھ کو مری وفا نے

پوشیدہ نہیں تمہاری چالیں

کچھ مجھ سے کہا ہے نقش پا نے

کیوں جور کشان آسماں سے

منہ پھیر لیا تری جفا نے

دل کو مایوس کر دیا ہے

بیگانہ مزاج آشنا نے

دونوں نے بڑھائی رونق حسن

شوخی نے کبھی کبھی حیا نے

خوش پاتے ہیں مجھ کو دوست وحشتؔ

دل کا احوال کون جانے

lauta hai mujhe us ki har ada ne

andaz ne naz ne haya ne

donon ne kiya hai mujh ko ruswa

kuchh dard ne aur kuchh dawa ne

be ja hai tiri jafa ka shikwa

mara mujh ko miri wafa ne

poshida nahin tumhari chalen

kuchh mujh se kaha hai naqsh-e-pa ne

kyun jaur kashin asman se

munh pher liya tiri jafa ne

dil ko mayus kar diya hai

begana mizaj ashna ne

donon ne barhai raunaq-e-husn

shokhi ne kabhi kabhi haya ne

khush pate hain mujh ko dost wahshat

dil ka ahwal kaun jane