لیا ہے عشق نے کیا انتخاب کر کے مجھے

لیا ہے عشق نے کیا انتخاب کر کے مجھے

چنا جو بزم میں جام شراب کر کے مجھے

خطا و جرم پہ مجھ کو بہت ندامت تھی

دیا جو خلد میں جا بے حساب کر کے مجھے

تمہارے نقش قدم سے یہ آ رہی ہے صدا

قدم نے چھوڑ دیا ہم رکاب کر کے مجھے

خطا نہیں ہے مری اے صنم میں کیا کرتا

بٹھایا دشت میں دل نے عذاب کر کے مجھے

یہ خاک عاشق غمگیں سے آ رہی ہے صدا

قضا چلی گئی مصروف خواب کر کے مجھے

خدا کی شان تو دیکھو کہ ان کے گلشن میں

نسیم لے گئی بوئے گلاب کر کے مجھے

بنایا سجدہ گہہ انس و جن دلا نے مرے

جمیلہؔ سنگ در بو تراب کر کے مجھے

liya hai ishq ne kya intikhab kar ke mujhe

chuna jo bazm mein jam-e-sharab kar ke mujhe

khata-o-jurm pe mujh ko bahut nadamat thi

diya jo khuld mein ja be hisab kar ke mujhe

tumhare naqsh-e-qadam se ye a rahi hai sada

qadam ne chhor diya ham rikab kar ke mujhe

khata nahin hai miri ai sanam mein kya karta

bithaya dasht mein dil ne azab kar ke mujhe

ye khak-e-ashiq ghamgin se a rahi hai sada

qaza chali gai masruf-e-khwab kar ke mujhe

khuda ki shan to dekho ke un ke gulshan mein

nasim le gai bu-e-gulab kar ke mujhe

banaya sajda gah uns-o-jin dila ne mire

jamilahu sang-e-dar bu turab kar ke mujhe