لگائے بیٹھے ہیں مہندی جو میرے خوں سے پوروں میں

لگائے بیٹھے ہیں مہندی جو میرے خوں سے پوروں میں

یہی تو رہزنوں میں ہیں یہی ہیں دل کے چوروں میں

پڑے رہتے ہیں اکثر سوئے مشکیں روئے جاناں پر

بہت دیکھا ہے ہم نے اتفاق ان کالے گوروں میں

لگائی آگ ان کے حسن عالم سوز نے ہر سو

جلانے چو لکھا بیٹھے ہیں یوں کورے سکوروں میں

وفور صحبت اغیار سے کچھ ایسے کھل کھیلے

نہ وہ جھیپیں ہزاروں میں نہ شرمائیں کروروں میں

ہمیں کوئے بتاں سے دو قدم اٹھنے نہیں دیتی

ہماری ناتوانی ان دنوں ہے ایسے زوروں میں

اماں دیتا نہیں وہ چاہنے والوں کو مر کر بھی

ہمارے نام کو ظالم نے پٹوایا ڈھنڈوروں میں

مرے نالوں کا عاشقؔ رنگ اڑایا عندلیبوں نے

خرام یار کی شہرت ہوئی سارے چکوروں میں

lagae baithe hain mehndi jo mere khun se poron mein

yahi to rahzanon mein hain yahi hain dil ke choron mein

pare rahte hain aksar su-e-mushkin roe janan par

bahut dekha hai ham ne ittifaq un kale goron mein

lagai ag un ke husn-e-alam soz ne har su

jalane chau likha baithe hain yun kore sakoron mein

wafur-e-sohbat-e-aghyar se kuchh aise khul khele

na wo jhunipin hazaron mein na sharmaen karoron mein

hamen ku-e-butan se do qadam uthne nahin deti

hamari natawani in dinon hai aise zoron mein

aman deta nahin wo chahne walon ko mar kar bhi

hamare nam ko zalim ne pitwaya dhandoron mein

mire nalon ka ashiq rang uraya andalibon ne

khiram-e-yar ki shohrat hui sare chakoron mein