لوگ کہتے ہیں یار آتا ہے

لوگ کہتے ہیں یار آتا ہے

دل تجھے اعتبار آتا ہے

دوست ہوتا جو وہ تو کیا ہوتا

دشمنی پر تو پیار آتا ہے

تیرے کوچہ میں بے قرار ترا

ہر گھڑی بار بار آتا ہے

زیر دیوار تو سنے نہ سنے

نام تیرا پکار آتا ہے

حال اپنے پہ مجھ کو آپ اثرؔ

رحم بے اختیار آتا ہے

log kahte hain yar ata hai

dil tujhe etibar ata hai

dost hota jo wo to kya hota

dushmani par to pyar ata hai

tere kucha mein be qarar tira

har ghari bar bar ata hai

zer-e-diwar to sune na sune

nam tera pukar ata hai

hal apne pe mujh ko ap asar

rahm be ikhtiyar ata hai