لڑ کے پھر آئے ڈر گئے شاید

لڑ کے پھر آئے ڈر گئے شاید

بگڑے تھے کچھ سنور گئے شاید

سب پریشاں دلی میں شب گزری

بال اس کے بکھر گئے شاید

کچھ خبر ہوتی تو نہ ہوتی خبر

صوفیاں بے خبر گئے شاید

ہیں مکان و سرا و جا خالی

یار سب کوچ کر گئے شاید

آنکھ آئینہ رو چھپاتے ہیں

دل کو لے کر مکر گئے شاید

لوہو آنکھوں میں اب نہیں آتا

زخم اب دل کے بھر گئے شاید

اب کہیں جنگلوں میں ملتے نہیں

حضرت خضر مر گئے شاید

بے کلی بھی قفس میں ہے دشوار

کام سے بال و پر گئے شاید

شور بازار سے نہیں اٹھتا

رات کو میرؔ گھر گئے شاید

lar ke phir ae dar gae shayad

bigre the kuchh sanwar gae shayad

sab pareshan dili mein shab guzri

bal us ke bikhar gae shayad

kuchh khabar hoti to na hoti khabar

sufiyan be khabar gae shayad

hain makan-o-sara-o-ja khali

yar sab kuch kar gae shayad

ankh aina ru chhupate hain

dil ko le kar makar gae shayad

lohu ankhon mein ab nahin ata

zakhm ab dil ke bhar gae shayad

ab kahin jangalon mein milte nahin

hazrat-e-khizr mar gae shayad

be kali bhi qafas mein hai dushwar

kam se bal-o-par gae shayad

shor-e-bazar se nahin uthta

rat ko mir ghar gae shayad