لگ رہی جس طرح لالہ کے سارے بن کو آگ

لگ رہی جس طرح لالہ کے سارے بن کو آگ

دل کو اپنے داغ دیو اے عاشقو اور تن کو آگ

گل پہ یہ شبنم نہیں پانی چھڑکتی ہے بہار

ہائے رے کنے لگائی آ کے اس گلشن کو آگ

ہم سیہ بختوں کا کیوں کر رائیگاں جاوے وبال

شام نیں پھولی یہ لاگی ہے فلک کے تن کو آگ

چل یقیںؔ کی بات پر اے عشقؔ ہم بھی جل مریں

کیا ہی پھولا ہے پلاس اور لگ رہی ہے بن کو آگ

lag rahi jis tarah lala ke sare ban ko ag

dil ko apne dagh dew ai ashiqo aur tan ko ag

gul pe ye shabnam nahin pani chhirakti hai bahar

hae re kanne lagai a ke is gulshan ko ag

ham siyah bakhton ka kyun kar raigan jawe wabal

sham nain phuli ye lagi hai falak ke tan ko ag

chal yaqin ki bat par ai ishq ham bhi jal maren

kya hi phula hai pilas aur lag rahi hai ban ko ag