فسردہ ہو کے میخانے سے نکلے

فسردہ ہو کے میخانے سے نکلے

یہاں بھی اپنے بیگانے سے نکلے

شفق کا رنگ گہرا کر گئے اور

جو شعلے میرے کاشانے سے نکلے

ذرا اے گردش دوراں ٹھہرنا

وہ نکلے رند میخانے سے نکلے

غم دل کا اثر ہر بزم میں ہے

سب افسانے اس افسانے سے نکلے

کیا آباد ویرانے کو ہم نے

ہمیں آباد ویرانے سے نکلے

جو پہنچے دار تک منصور تھے وہ

ہزاروں رند میخانے سے نکلے

نکلتے ہم نہ غم خانے سے اخترؔ

حسیں موسم کے بہکانے سے نکلے

fasurda ho ke maikhane se nikle

yahan bhi apne begane se nikle

shafaq ka rang gahra kar gae aur

jo shole mere kashane se nikle

zara ai gardish-e-dauran thaharna

wo nikle rind maikhane se nikle

gham-e-dil ka asar har bazm mein hai

sab afsane is afsane se nikle

kiya abad wirane ko ham ne

hamen abad wirane se nikle

jo pahunche dar tak mansur the wo

hazaron rind maikhane se nikle

nikalte ham na gham khane se akhtar

hasin mausam ke bahkane se nikle