لرزتا دیپ

دور شب کا سرد ہات

آسماں کے خیمۂ زنگار کی

آخری قندیل گل کرنے بڑھا

اور کومل چاندنی

ایک در بستہ گھروندے سے پرے

مضمحل پیڑوں پہ گر کر بجھ گئی

بے نشاں سائے کی دھیمی چاپ پر

اونگتے رستے کے ہر ذرے نے پل بھر کے لیے

اپنی پلکوں کی بجھی درزوں سے جھانکا

اور آنکھیں موند لیں

اس سمے طاق شکستہ پر لرزتے دیپ سے

میں نے پوچھا

ہم نفس

اب ترے بجھنے میں کتنی دیر ہے؟

dur shab ka sard hat

asman ke khema-e-zangar ki

akhiri qindil-e-gul karne barha

aur komal chandni

ek dar basta gharaunde se pare

muzmahil peron pe gir kar bujh gai

be nishan sae ki dhimi chap par

ungatte raste ke har zarre ne pal bhar ke liye

apni palkon ki bujhi darzon se jhanka

aur ankhen mund len

is samay taq-e-shikasta par larazte dip se

main ne puchha

ham nafas

ab tire bujhne mein kitni der hai?