لطف سے مطلب نہ کچھ میرے ستانے سے غرض

لطف سے مطلب نہ کچھ میرے ستانے سے غرض

شوخیوں سے کام ان کو مسکرانے سے غرض

اس گلی سے کام ان کا سامنا ہو یا نہ ہو

مجھ کو ہو آنا وہاں تک ہر بہانے سے غرض

شکوۂ اغیار پر ظالم نے یوں ٹالا مجھے

تم کو ہم سے کام ہے تم کو زمانے سے غرض

کوئی موسم کوئی دن ہو اس سے کچھ مطلب نہیں

حضرت بیخودؔ کو ہے پینے پلانے سے غرض

lutf se matlab na kuchh mere satane se gharaz

shokhiyon se kam un ko muskurane se gharaz

us gali se kam un ka samna ho ya na ho

mujh ko ho ana wahan tak har bahane se gharaz

shikwa-e-aghyar par zalim ne yun tala mujhe

tum ko ham se kam hai tum ko zamane se gharaz

koi mausam koi din ho us se kuchh matlab nahin

hazrat bekhud ko hai pine pilane se gharaz