لبالب کر دے اے ساقی ہے خالی میرا پیمانہ

لبالب کر دے اے ساقی ہے خالی میرا پیمانہ

سلامت دور گردوں تک یہ شیشہ اور یہ مے خانہ

نہ پوچھو نام مجھ وحشت زدہ کا دشت فرقت میں

سڑی سودائی مجنوں مست بے خود زار و دیوانہ

مجھے مشرک نہ سمجھو میں موحد ہوں زمانہ میں

تصاویر خیالی سے بھرا ہے میرا بت خانہ

ہوا مطلع جو مشرک میں تو مغرب میں ہوا مقطع

لئے پھرتے ہیں ہم دوش صبا پر بیت کا خانہ

عروس فکر میری اور دولہے سے نہ ذم ہوگی

فقیری کی ملے گی بو جو جوڑا ہوگا شاہانہ

بھلا لہج و لہجہ ایستادہ کیا بیاں ہوگا

قیامت تک تو سنیے بیٹھ کر الفت کا افسانہ

ضعیفی میں بھی لپٹی ہے بلائے شاعری مجھ سے

نہ چھوٹے گی کبھی اخترؔ قلم سے مشق طفلانہ

labalab kar de ai saqi hai khali mera paimana

salamat daur-e-gardun tak ye shisha aur ye mai khana

na puchho nam mujh wahshat zada ka dasht-e-furqat mein

sari saudai majnun mast-e-be khud zar-o-diwana

mujhe mushrik na samjho mein muwahhid hun zamana mein

tasawir khayali se bhara hai mera but khana

hawa matlaa jo mushrik mein to maghrib mein hua maqtaa

liye phirte hain ham dosh-e-saba par bit ka khana

urus-e-fikr meri aur dolahe se na zam hogi

faqiri ki milegi bu jo jora hoga shahana

bhala lahaj-o-lahja istada kya bayan hoga

qayamat tak to suniye baith kar ulfat ka afsana

zaifi mein bhi lipti hai bala-e-shayari mujh se

na chhotegi kabhi akhtar qalam se mashq-e-tiflana