لجیائی سے نازک ہے اے جان بدن تیرا
واجد علی شاہلجیائی سے نازک ہے اے جان بدن تیرا
اب چھو نہیں سکتے ہم پھولا یہ چمن تیرا
آنکھیں تری نرگس ہیں رخسار ترے گل ہیں
چٹواتا ہے ہونٹھوں کو یہ سیب ذقن تیرا
ناخن ترے سورج ہیں اور چاند ہتھیلی ہے
آئینہ خود رو ہے شفاف بدن تیرا
دنداں ترے موتی ہیں خورشید سا ماتھا ہے
در جھڑتے ہیں باتوں میں ایسا ہے دہن تیرا
اس سے تجھے نفرت ہے غیروں سے محبت ہے
کب بھائے گا اخترؔ کو اے جان چلن تیرا
lajyai se nazuk hai ai jan badan tera
ab chhu nahin sakte ham phula ye chaman tera
ankhen tiri nargis hain rukhsar tire gul hain
chatwata hai honthon ko ye seb-e-zaqan tera
nakhun tire suraj hain aur chand hatheli hai
aina khud ro hai shaffaf badan tera
dandan tire moti hain khurshid sa matha hai
dar jharte hain baton mein aisa hai dahan tera
us se tujhe nafrat hai ghairon se mohabbat hai
kab bhaega akhtar ko ai jan chalan tera