لخت جگر کو کیونکر مژگان تر سنبھالے

لخت جگر کو کیونکر مژگان تر سنبھالے

یہ شاخ وہ نہیں جو بار ثمر سنبھالے

ممکن نہیں کہ دامن وہ بے خبر سنبھالے

تلوار کھینچ کر وہ خوں خوار ہے یہ کہتا

منہ پر جو کھاتے ڈرتا ہو وہ سپر سنبھالے

تکیے میں آدمی کو لازم کفن ہے رکھنا

بیٹھا رہے مسافر رخت سفر سنبھالے

یک دم نہ نبھنے دیتی ان کی تنک مزاجی

رکھتے نہ ہم طبیعت اپنی اگر سنبھالے

وہ نخل خشک ہوں میں اس گلشن جہاں میں

پھرتا ہے باغباں بھی مجھ پر تبر سنبھالے

ہر گام پر خوشی سے وارفتگی سی ہوگی

لانا جواب خط کو اے نامہ بر سنبھالے

یا پھر کتر پر اس کے صیاد یا چھری پھیر

بے بال و پر نے تیرے پھر بال و پر سنبھالے

درد فراق آتشؔ تڑپا رہا ہے ہم کو

اک ہاتھ دل سنبھالے ہے اک جگر سنبھالے

lakht-e-jigar ko kyunkar mizhgan-e-tar sambhale

ye shakh wo nahin jo bar samar sambhale

mumkin nahin ke daman wo be khabar sambhale

talwar khinch kar wo khun khwar hai ye kahta

munh par jo khate darta ho wo sipar sambhale

takiye mein admi ko lazim kafan hai rakhna

baitha rahe musafir rakht-e-safar sambhale

yak dam na nibhne deti un ki tunuk mizaji

rakhte na ham tabiat apni agar sambhale

wo nakhl-e-khushk hun main is gulshan jahan mein

phirta hai baghban bhi mujh par tabar sambhale

har gam par khushi se waraftagi si hogi

lana jawab-e-khat ko ai nama bar sambhale

ya phir katar par us ke sayyad ya chhuri pher

be bal-o-par ne tere phir bal-o-par sambhale

dard-e-firaq atish tarpa raha hai ham ko

ik hath dil sambhale hai ik jigar sambhale