غنچے کو ہے ترے دہن کی حرص

غنچے کو ہے ترے دہن کی حرص

سیب کو ہے ترے ذقن کی حرص

یہ نزاکت کہاں یہ لطف کہاں

ہے سمن کو جو اس بدن کی حرص

تیری رفتار وہ کہاں پائے

دیکھی بس آہوۓ ختن کی حرص

گل سے اے عندلیب کہہ دینا

نہ کرے میرے گلبدن کی حرص

ہے قفس میں بھی چین بلبل کو

ہے طبیعی مگر چمن کی حرص

عاجزؔ ایسی ملی ہے خوش گوئی

کرتے ہیں سب مرے سخن کی حرص

ghunche ko hai tire dahan ki hirs

seb ko hai tire zaqan ki hirs

ye nazakat kahan ye lutf kahan

hai saman ko jo is badan ki hirs

teri raftar wo kahan pae

dekhi bas ahu-e-khutan ki hirs

gul se ai andalib kah dena

na kare mere gulbadan ki hirs

hai qafas mein bhi chain-e-bulbul ko

hai tabii magar chaman ki hirs

ajiz aisi mili hai khush goi

karte hain sab mire sukhan ki hirs