غیر کے گھر بن کے ڈالی جائے گی

غیر کے گھر بن کے ڈالی جائے گی

کیوں کر ان کی عید خالی جائے گی

آپ نے باندھی ہے کیوں تلوار آج

کیا مری حسرت نکالی جائے گی

پھنس چکا دل ہو چکی آشفتگی

اب طبیعت کیا سنبھالی جائے گی

جان کا دینا مجھے منظور ہے

ان کی فرمائش نہ ٹالی جائے گی

ان پہ ظاہر ہو نہ اے دل شوق مرگ

تیغ گردن سے اٹھا لی جائے گی

دل کو واپس تم سے کیا مانگیں گے ہم

دے چکے جو شے وہ کیا لی جائے گی

کیوں نہ وہ بے چین ہوئیں گے نسیمؔ

سیدوں کی آہ خالی جائے گی

ghair ke ghar ban ke dali jaegi

kyun kar un ki eid khali jaegi

ap ne bandhi hai kyun talwar aj

kya miri hasrat nikali jaegi

phans chuka dil ho chuki ashuftagi

ab tabiat kya sambhali jaegi

jan ka dena mujhe manzur hai

un ki farmaish na tali jaegi

un pe zahir ho na ai dil shauq marg

tegh gardan se utha li jaegi

dil ko wapas tum se kya mangenge ham

de chuke jo shai wo kya li jaegi

kyun na wo be chain huin ge nasim

sayyadon ki ah khali jaegi