فتنہ خو لے گئی دل چھین کے جھٹ پٹ ہم سے

فتنہ خو لے گئی دل چھین کے جھٹ پٹ ہم سے

اور پھر سامنے آنے میں ہے گھونگھٹ ہم سے

آپ کا قصد محبت ہے اگر غیروں سے

قرض لے لیجئے تھوڑی سی محبت ہم سے

سو گئے ہم تو ہم آغوش ہوئے خواب میں وہ

اب تو کرنے لگے کچھ کچھ وہ لگاوٹ ہم سے

ایک بوسہ کی طلب میں ہوئی محنت برباد

وصل کی رات ہوئی یار سے کھٹ پٹ ہم سے

صلح کر لیں ترے خنجر کے گلے مل جائیں

قتل کے وقت نہ رکھئے وہ رکاوٹ ہم سے

ہائے کس ناز سے کہتے ہیں شب وصل میں وہ

ہو چکی بات جو ہونی تھی پرے ہٹ ہم سے

fitna khu le gai dil chhin ke jhat pat ham se

aur phir samne ane mein hai ghunghat ham se

ap ka qasd mohabbat hai agar ghairon se

qarz le lijiye thori si mohabbat ham se

so gae ham to ham aghosh hue khwab mein wo

ab to karne lage kuchh kuchh wo lagawat ham se

ek bosa ki talab mein hui mehnat barbad

wasl ki rat hui yar se khit pat ham se

sulh kar len tire khanjar ke gale mil jaen

qatl ke waqt na rakhiye wo rukawat ham se

hae kis naz se kahte hain shab-e-wasl mein wo

ho chuki bat jo honi thi pare hat ham se