غمزۂ چشم شرمسار کہاں

غمزۂ چشم شرمسار کہاں

سر تو حاضر ہے تیغ یار کہاں

گل بھی کرتا ہے چاک اپنا جیب

پر گریباں سا تار تار کہاں

ہو غزالوں کو اس سے ہم چشمی

تیکھی چتون کہاں خمار کہاں

عندلیبوں نے گل کو گھیر لیا

ایک جیوڑا کہاں ہزار کہاں

ایک دن ایک شخص نے پوچھا

میر صاحب تمہارا یار کہاں

میں نے اس سے کہا کہ سن بھائی

اب مجھے اس تلک ہے بار کہاں

گاہ گاہے سلام کرتا ہے

پر وہ باتیں کہاں وہ پیار کہاں

زندگی تک ستم تو سہہ لے سوزؔ

پھر تو یہ ظلم بار بار کہاں

ghamza-e-chashm-e-sharmsar kahan

sar to hazir hai tegh-e-yar kahan

gul bhi karta hai chak apna jeb

par gareban sa tar tar kahan

ho ghazalon ko us se ham chashmi

tikhi chitwan kahan khumar kahan

andalibon ne gul ko gher liya

ek jiwra kahan hazar kahan

ek din ek shakhs ne puchha

mir sahab tumhara yar kahan

main ne us se kaha ke sun bhai

ab mujhe is talak hai bar kahan

gah gahe salam karta hai

par wo baten kahan wo pyar kahan

zindagi tak sitam to sah le soz

phir to ye zulm bar bar kahan