غنچۂ دل مرا کھا کر گل خنداں میرا

غنچۂ دل مرا کھا کر گل خنداں میرا

بوئے گل سا ہے اڑاتا مجھے جاناں میرا

اپنی گرمی سے برشتہ ہوا حسن رخ یار

لالہ رنگ آتش گل سے ہے گلستاں میرا

کبھو گزرا تھا کوئی آبلہ پا دیکھ وفا

رووے اب لگ ہے لہو خار بیاباں میرا

عشق خورشید رخوں سے جو کیا میں نے جنوں

داغ جوں صبح ہوا چاک گریباں میرا

کیمیا حسن کی ہے منہ تو ذرا اس کو لگا

جام مے سے بھی گیا کیا دل گریاں میرا

چور کر دل کو عنایت کیا سنگیں دشنام

شیشے کو توڑ کے پتھر دیا تاواں میرا

قتل عزلتؔ سے نہ منکر ہو کہ گل کے مانند

لب پہ ہنستا ہے ترے خون نمایاں میرا

ghuncha-e-dil mira kha kar gul-e-khandan mera

bu-e-gul sa hai urata mujhe janan mera

apni garmi se birishta hua husn-e-rukh-e-yar

lala rang atish-e-gul se hai gulistan mera

kabhu guzra tha koi abla pa dekh wafa

rowe ab lag hai lahu khar-e-bayaban mera

ishq khurshid rukhon se jo kiya main ne junun

dagh jun subh hua chak-e-gareban mera

kimiya husn ki hai munh to zara us ko laga

jam-e-mai se bhi gaya kya dil-e-giryan mera

chur kar dil ko inayat kiya sangin dushnam

shishe ko tor ke patthar diya tawan mera

qatl uzlat se na munkir ho ke gul ke manind

lab pe hansta hai tire khun-e-numayan mera