غیر کی خاطر سے تم یاروں کو دھمکانے لگے

غیر کی خاطر سے تم یاروں کو دھمکانے لگے

آ کے میرے روبرو تلوار چمکانے لگے

جی میں کیا گزرا تھا کل جو آپ رکھ قبضہ پہ ہاتھ

خوب سا گھورے مجھے اور تن کے بل کھانے لگے

دل طلب مجھ سے کیا میں نے کہا حاضر نہیں

یہ غضب دیکھو مچل کر پاؤں پھیلانے لگے

قتل کر کر یہ نہیں معلوم کیا گزرا خیال

دیکھ وہ بسمل مجھے کچھ حیف سا کھانے لگے

یار مجھ کو دیکھ زا رونا تو ان سا ہجر میں

مشفقانہ کچھ نصیحت جبکہ فرمانے لگے

جل کے رنگیںؔ میں نے یہ مصرع تجلیؔ کا پڑھا

دل کو سمجھاؤ مجھے کیا آ کے سمجھانے لگے

ghair ki khatir se tum yaron ko dhamkane lage

a ke mere rubaru talwar chamkane lage

ji mein kya guzra tha kal jo ap rakh qabza pe hath

khub sa ghore mujhe aur tan ke bal khane lage

dil talab mujh se kiya main ne kaha hazir nahin

ye ghazab dekho machal kar paon phailane lage

qatl kar kar ye nahin maalum kya guzra khayal

dekh wo bismil mujhe kuchh haif sa khane lage

yar mujh ko dekh za rona to un sa hijr mein

mushfiqana kuchh nasihat jabke farmane lage

jal ke rangin main ne ye misra tajalli ka parha

dil ko samjhao mujhe kya a ke samjhane lage