بدلنے رنگ سکھلائے جہاں کو

بدلنے رنگ سکھلائے جہاں کو

کہوں کیا سرمہ کو وسمہ کو پاں کو

دیا ہے دین و دل تاب و تواں کو

نگہ کو زلف کو تل کو دہاں کو

کیا پھیکا مرے رشک چمن نے

سمن کو یاسمن کو ارغواں کو

مرے خوں کے نشاں ہیں دھو چکے شرم

جبیں کو آستیں کو آسماں کو

خرام مہوشاں چکر میں لائے

زمانہ کو زمیں کو آسماں کو

طلسم صنعت بیچوں ہے دیکھو

کفل کو ساق کو موئے میاں کو

لب نوشیں نے سکھلائی حلاوت

شکر کو شہد کو قند کلاں کو

کیا روپوش شرم روئے بت نے

جناں کو چشمۂ حیواں کو جاں کو

کہاں ہیں اہل فن لاؤں کہاں سے

نظیریؔ کو ظہوریؔ کو بیاںؔ کو

badalne rang sukhlae jahan ko

kahun kya surma ko wasma ko pan ko

diya hai din-o-dil tab-o-tawan ko

nigah ko zulf ko til ko dahan ko

kiya phika mire rashk-e-chaman ne

saman ko yasaman ko arghawan ko

mire khun ke nishan hain dho chuke sharm

jabin ko astin ko asman ko

khiram-e-mahwashan chakkar mein lae

zamana ko zamin ko asman ko

tilism-e-sanat-e-bechun hai dekho

kafal ko saq ko mu-e-miyan ko

lab-e-noshen ne sikhlai halawat

shakar ko shahd ko qand-e-kalan ko

kiya ruposh sharm-e-ru-e-but ne

janan ko chashma-e-haiwan ko jan ko

kahan hain ahl-e-fan laun kahan se

naziri ko zuhuri ko bayan ko