غم حیات کی لذت بدلتی رہتی ہے

غم حیات کی لذت بدلتی رہتی ہے

بقدر فکر شکایت بدلتی رہتی ہے

حریم راز امید کرم کہ ذوق نمود

خلوص دوست کی قیمت بدلتی رہتی ہے

کبھی غرور کبھی بے رخی کبھی نفرت

شبیہ جوش محبت بدلتی رہتی ہے

نہیں کہ تیرا کرم مجھ کو ناگوار نہیں

یہ غم ہے وجہ مسرت بدلتی رہتی ہے

اگر فریب حسیں ہو تو پھر فریب نہیں

خطا معاف حقیقت بدلتی رہتی ہے

gham-e-hayat ki lazzat badalti rahti hai

baqadr-e-fikr-e-shikayat badalti rahti hai

harim-e-raz ummid-e-karam ke zauq-e-numud

khulus-e-dost ki qimat badalti rahti hai

kabhi ghurur kabhi be rukhi kabhi nafrat

shabih josh-e-mohabbat badalti rahti hai

nahin ke tera karam mujh ko nagawar nahin

ye gham hai wajh-e-masarrat badalti rahti hai

agar fareb-e-hasin ho to phir fareb nahin

khata muaf haqiqat badalti rahti hai