غم چھیڑتا ہے ساز رگ جاں کبھی کبھی

غم چھیڑتا ہے ساز رگ جاں کبھی کبھی

ہوتی ہے کائنات غزل خواں کبھی کبھی

ہم نے دیئے ہیں عشق کو تیور نئے نئے

ان سے بھی ہو گئے ہیں گریزاں کبھی کبھی

اے دولت سکوں کے طلبگار دیکھنا

شبنم سے جل گیا ہے گلستاں کبھی کبھی

ہم بے کسوں کی بزم میں آئے گا اور کون

آ بیٹھتی ہے گردش دوراں کبھی کبھی

کچھ اور بڑھ گئی ہے اندھیروں کی زندگی

یوں بھی ہوا ہے جشن چراغاں کبھی کبھی

gham chherta hai saz-e-rag-e-jan kabhi kabhi

hoti hai kainat ghazal khwan kabhi kabhi

ham ne diye hain ishq ko tewar nae nae

un se bhi ho gae hain gurezan kabhi kabhi

ai daulat-e-sukun ke talabgar dekhna

shabnam se jal gaya hai gulistan kabhi kabhi

ham be kison ki bazm mein aega aur kaun

a baithti hai gardish-e-dauran kabhi kabhi

kuchh aur barh gai hai andheron ki zindagi

yun bhi hua hai jashn-e-charaghan kabhi kabhi