غم دوراں نے بھی سیکھے غم جاناں کے چلن

غم دوراں نے بھی سیکھے غم جاناں کے چلن

وہی سوچی ہوئی چالیں وہی بے ساختہ پن

وہی اقرار میں انکار کے لاکھوں پہلو

وہی ہونٹوں پہ تبسم وہی ابرو پہ شکن

کس کو دیکھا ہے کہ پندار نظر کے با وصف

ایک لمحے کے لیے رک گئی دل کی دھڑکن

کون سی فصل میں اس بار ملے ہیں تجھ سے

کہ نہ پروائے گریباں ہے نہ فکر دامن

اب تو چبھتی ہے ہوا برف کے میدانوں کی

ان دنوں جسم کے احساس سے جلتا تھا بدن

ایسی سونی تو کبھی شام غریباں بھی نہ تھی

دل بجھے جاتے ہیں اے تیرگیٔ صبح وطن

gham-e-dauran ne bhi sikhe gham janan ke chalan

wahi sochi hui chalen wahi be sakhta pan

wahi iqrar mein inkar ke lakhon pahlu

wahi honton pe tabassum wahi abru pe shikan

kis ko dekha hai ke pindar nazar ke ba wasf

ek lamhe ke liye ruk gai dil ki dharkan

kaun si fasl mein is bar mile hain tujh se

ke na parwae gareban hai na fikr-e-daman

ab to chubhti hai hawa barf ke maidanon ki

in dinon jism ke ehsas se jalta tha badan

aisi suni to kabhi sham-e-ghariban bhi na thi

dil bujhe jate hain ai tirgi-e-subh-e-watan