غم نہیں مجھ کو جو وقت امتحاں مارا گیا

غم نہیں مجھ کو جو وقت امتحاں مارا گیا

خوش ہوں تیرے ہاتھ سے اے جان جاں مارا گیا

تیغ ابرو سے دل عاشق کو ملتی کیا پناہ

جو چڑھا منہ پر اجل کے بے گماں مارا گیا

منزل معشوق تک پہنچا سلامت کب کوئی

رہزنوں سے کارواں کا کارواں مارا گیا

دوستی کی تم نے دشمن سے عجب تم دوست ہو

میں تمہاری دوستی میں مہرباں مارا گیا

زہر سے کچھ کم نہ تھی دعوت مری غیروں کے ساتھ

کیا غضب ہے گھر بلا کر میہماں مارا گیا

دشت غربت رنج تنہائی ہجوم درد و یاس

ان بلاؤں میں ترا عاشق کہاں مارا گیا

کیا ہلاک عشق تیرے گیسوؤں کا تھا اثرؔ

سنبلستاں ہو گیا ہے دو جہاں مارا گیا

gham nahin mujh ko jo waqt-e-imtihan mara gaya

khush hun tere hath se ai jan-e-jan mara gaya

tegh-e-abru se dil-e-ashiq ko milti kya panah

jo charha munh par ajal ke be guman mara gaya

manzil-e-maashuq tak pahuncha salamat kab koi

rahzanon se karwan ka karwan mara gaya

dosti ki tum ne dushman se ajab tum dost ho

main tumhari dosti mein mehrban mara gaya

zahr se kuchh kam na thi daawat miri ghairon ke sath

kya ghazab hai ghar bala kar mehman mara gaya

dasht-e-ghurbat ranj-e-tanhai hujum-e-dard-o-yas

un balaon mein tira ashiq kahan mara gaya

kya halak-e-ishq tere gesuon ka tha asar

sumbulsitan ho gaya hai do jahan mara gaya