غم سہتے ہیں پر غمزۂ بے جا نہیں اٹھتا

غم سہتے ہیں پر غمزۂ بے جا نہیں اٹھتا

مرتے ہیں مگر ناز مسیحا نہیں اٹھتا

کب پان رقیبوں کو عنایت نہیں ہوتے

کس روز مرے قتل کا بیڑا نہیں اٹھتا

بل پڑتے ہیں پہونچے میں لچکتی ہے کلائی

نازک ہیں بہت پھولوں کا گجرا نہیں اٹھتا

فرمائیے ارشاد پہاڑوں کو اٹھا لوں

پر رشک کا صدمہ نہیں اٹھتا نہیں اٹھتا

کوچہ میں منیرؔ ان کے میں بیٹھا تو وہ بولے

ہے ہے مرے دروازے سے پہرا نہیں اٹھتا

gham sahte hain par ghamza-e-be ja nahin uthta

marte hain magar naz masiha nahin uthta

kab pan raqibon ko inayat nahin hote

kis roz mire qatl ka bera nahin uthta

bal parte hain pahunche mein lachakti hai kalai

nazuk hain bahut phulon ka gajra nahin uthta

farmaiye irshad paharon ko utha lun

par rashk ka sadma nahin uthta nahin uthta

kucha mein munir un ke main baitha to wo bole

hai hai mire darwaze se pahra nahin uthta