غم مرا دشمن جانی ہے کہو یا نہ کہو

غم مرا دشمن جانی ہے کہو یا نہ کہو

میرے آنسو کی زبانی ہے کہو یا نہ کہو

رات پروانے کے ماتم میں گداز دل سے

شمع کی اشک فشانی ہے کہو یا نہ کہو

غنچۂ گل کے تئیں دیکھتے ہی ہم نے کہا

دل پر خوں کی نشانی ہے کہو یا نہ کہو

ماتھا گھسنے سے مرے مہر جبیں کے در پر

صبح کی اجلی پیشانی ہے کہو یا نہ کہو

میت عشق کا گر دیکھو رخ نورانی

مغفرت کی یہ نشانی ہے کہو یا نہ کہو

gham mira dushman-e-jani hai kaho ya na kaho

mere ansu ki zabani hai kaho ya na kaho

rat parwane ke matam mein gudaz-e-dil se

shama ki ashk fishani hai kaho ya na kaho

ghuncha-e-gul ke tain dekhte hi ham ne kaha

dil pur khun ki nishani hai kaho ya na kaho

matha ghisne se mire mehr jabin ke dar par

subh ki ujli peshani hai kaho ya na kaho

mayyat ishq ka gar dekho rukh-e-nurani

maghfirat ki ye nishani hai kaho ya na kaho