غم غلط کرنے کو احباب ہمیں جانبِ باغ

غم غلط کرنے کو احباب ہمیں جانبِ باغ

لے گئے کل تو عجب رنگِ گلستاں دیکھا

وَرد میں خاصیتِ اخگرِ سوزاں پائی

نسترن میں اثرِ خارِ مغیلاں دیکھا

ایک نالے میں ستم ہائے فلک سے چھوٹے

جس کو دشوار سمجھتے تھے سو آساں دیکھا

کون کہتا ہے کہ ظلمت میں کم آتا ہے نظر

جو نہ دیکھا تھا سو ہم نے شبِ ہجراں دیکھا

شیفتہ زلفِ پری رو کا پڑا سایہ کہیں

میں نے جب آپ کو دیکھا تو پریشاں دیکھا

gham ghalat karne ko ahbab hamen janib-e-bagh

le gae kal to ajab rang-e-gulistan dekha

wird mein khasiyyat-e-akhgar-e-sozan pai

nastaran mein asar-e-khar-e-mughilan dekha

ek nale mein sitam ha-e-falak se chhote

jis ko dushwar samajhte the so asan dekha

kaun kahta hai ke zulmat mein kam ata hai nazar

jo na dekha tha so ham ne shab-e-hijran dekha

shefta zulf-e-pari ru ka para saya kahin

main ne jab ap ko dekha to pareshan dekha